主打 70年代懷舊香港風，入到去好似一秒穿越返老香港🇭🇰牆上滿滿老照片——電車🚋、舊式奶茶檔☕、霓虹燈💡、鐵閘店面、紅白藍袋風格，每一角都好chill又有情懷。甜品以中式養生元素融合現代食材，款款都精緻又打卡度爆高📸✨，無論甜品控定打卡控都必定會愛上！
⸝⸝⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚
1️⃣ 蜜柑桂花酒釀雪燕冰蘇配西米、脆米、金桔醬$118
第一啖落口食到蜜柑果肉嘅香甜💛！跟住桂花嘅幽香慢慢飄出，酒釀嘅微酸溫潤味道又慢慢湧現🎶雪燕又滑又透亮！佢哋用嘅唔係普通刨冰，而係椰奶冰沙🥥！質地綿密、香氣突出又不易溶！比起嗰啲超易溶嘅冰，而且冰嘅形狀結實但易入口，拍照10分鐘都ok📸❤️呢款真係穩定又高質👏🏻而且仲係乳糖不耐症友善甜品 💛
2️⃣蘇三茅台朱古力布丁$58
打開白朱古力薄脆片瞬間⚡下面係質感超實淨但又超滑嘅朱古力布丁🍫最驚喜係——倒上茅台拿鐵醬！啖啖都係濃厚咖啡香 + 微醺茅台味道 ☕🍶朱古力×茅台呢個組合，本身聽落好似會「乸喉」或太濃，但佢調得好好！真係非常大人味🤎
3️⃣酒釀蜜柑芝士布丁$52
芝士布丁本身綿密細滑，有啲厚度，但甜度剛剛好！配蜜柑嘅果香同微酸，完全把芝士嘅膩感拉返平衡🔄。再加上酒釀帶出淡淡米香與微醺甜味🍶，好柔和、好輕盈，令整個布丁多一層優雅嘅香味。👉🏻 呢款真係必試‼️
4️⃣多芒小丸子$54
🥭💛佢用咗兩種芒果：偏酸增層次！偏甜加香氣！味道平衡得靚到不得了～！椰汁＋芒果汁嘅組合濃香但唔膩，啖啖都係超香甜果味汁，好飲到唔覺意直接飲晒成碗🤭小丸子偏林身，但中間有幾粒係煙韌彈牙款～再配上西米更加滑順✨
5️⃣大四喜(含椰汁雪泥)$62
選擇困難症救星‼️一碗滿足你四個願望💛椰汁雪泥好綿密，椰香濃但唔膩。配料超豐富：✨ 雪燕✨ 桃膠✨ 芋圓✨ 芒果✨ 仙草全部都係養生系＋彈牙系＋清涼系組合！芋圓煙韌到不得了，桃膠爽口透亮，雪燕潤潤滑滑，仙草涼爽清甜，芒果果香濃郁！
ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚
📍 銅鑼灣加路連山道15號地舖
🚇 銅鑼灣站F1出口，步行約6分鐘
🕒 Mon-Sun: 14:00-23:00
