黃明記粥粉麵家

营业中

休息中

黃明記我都食左有十幾廿年，同好多人講起大部分都好鐘意，但出奇地原來就算點介紹點講好多人都唔識呢間野，搬埋舖之後好似仲靜咗一排。呢排特別又紅番係因為蔡瀾拍YouTube介紹完，又多人講又多人去左，好彩佢未介紹之前又去左食，聽講呢排又要排隊。墨魚丸、豬肉丸、墨魚鬚、四寶、紫菜基本上應該唔使點介紹，每次嚟我都會食墨丸墨魚鬚河粉，因為河粉特別滑。當然識途老馬又鍾意食嘅話應該會叫銀針粉。另外都要推介方魚肉碎粥，可惜次次都怕熱無食佢，有興趣真係試下，嗰種潮式風味好少地方有。成日會嚟買丸打邊爐，買丸佢會送上自家製嘅調味包俾你打邊爐用，勁正，有興趣你仲可以喺陳明記買到好好食嘅河粉。