Bacaba

营业中

休息中

連續落咗幾日雨，趁今日好天少少決定入去將軍澳行吓，搵吓好嘢食。沿着將軍澳海濱都有好幾間餐廳，見到一間叫BACABA嘅酒吧餐廳，裝修充滿異國風情，感覺置身外地，外望景色優美，將軍澳跨灣大橋盡入眼簾，夠晒chill，所以決定試吓，果然冇令我哋失望，食物同樣一流。大蝦牛油果沙律有着多種不同種類嘅沙律菜，可能能夠新鮮嘅關係，唔使太多沙律醬，已經食到蔬菜本身嘅清甜。牛油果熟成度剛剛好，大蝦肉質爽口彈牙，值得一讚。香草脆烤羊排居然有四支大大件嘅羊架，份量十足，外皮烤得微脆，內裏粉嫩，夠晒Juicy，外層嘅香草令羊架不會羶。羊架下面還有香滑嘅薯蓉，混上了肉汁，味道濃郁。咖啡味奶昔奶昔質感幼滑，帶着焦糖咖啡嘅味道，飲品跟食物一樣出色。