嶺南樓

营业中

休息中

見呢排Fb話係中菜廳重開後成為網紅店，要排隊先食到，即管嚟試吓。六月下旬星期六預先訂位六點半。環境乾淨企理，典型大學酒樓格局，職員招呼正常有禮。一到步已被告知冬瓜盅售罄，另有其他幾樣小菜也缺貨。最後叫咗麻辣雞煲一隻、清炒莧菜、例湯一盅（蓮藕章魚湯）、砵酒焗台山桶蠔。雞煲份量偏細且超咸，莧菜份量正常似屋企炒毫無鑊氣，例湯似高級燒味飯附送的例水⋯個桶蠔先經典，蠔本身係新鮮的，但個汁真係唔知發生咩事，一pat pat都算，賣相唔講以為紅酒加糖加生粉。最重要係唔入味，嘥晒啲蠔。一行三人，七分飽，全枱叫了一碗白飯，冇叫任何酒水，埋單$700。總結可一不可再，無一倖免。