十和田壽司 (香港科學園)

营业中

休息中

放假同小朋友去科學園踩單車，朋友介紹呢間餐廳環境好、嘢食嘅性價比都高。間餐廳嘅位置都幾容易搵，而且就係超級市場對面，食完買埋野free park返屋企，的確係唔錯嘅選擇。佢食物嘅選擇都幾多，真係一間比較合家歡嘅餐廳。我小朋友揀咗個炸雞烏冬（$88），炸雞皮薄肉滑，都幾脆口，幾抵食。老公就叫咗個滑蛋吉列豬扒定食，配埋湯同茶碗蒸，佢豬扒個味醃得幾好，甜甜地，不過肉質就比較淋。我自己就叫咗個雜錦魚生飯，魚生新鮮肥美，個量又多。重點係個環境真係幾好，大人坐喺度食，小朋友可以走出去跑下玩下。