牛站(駅)麻辣火鍋放題

营业中

休息中

今晚嚟咗呢間新開張嘅台式火鍋店，呢間火鍋店有好多分店，今日去咗銅鑼灣新店座位好寬躺。自己掃QR code落單，上菜速度快，自助區仲有好多其他食物仲有小食，而家仲有糯米飯同蛇羹等，仲要係任食，真係可以吃到飽為止。湯底有多款選擇，而家仲加入左新羊腩煲鍋底。我哋揀左滋補豬筒骨鍋，大大舊豬骨湯底濃度十足，味道清甜。最特別呢度好重本，餐廳仲有供應啤酒梅酒都係任飲，不用加錢。飲品仲有汽水、紙包飲品、自家製冷泡茶，種類非常多。肉類選擇方面，美國極黑和牛、美國安格斯牛板腱、美國牛肩胛片、澳洲羊肉片、美國豬梅肉片等。美國極黑和牛脂肪分布均勻,牛肉味道十足。 美國豬梅肉片，肉質鮮甜嫩滑。甜品方面同樣好多選擇，多款自家製迷你甜點、生果、芋圓，軟雪糕、連 Häagen-Dazs 雪糕、老虎堂雪條都有，大滿足! 呢間台式火鍋放題座位坐得好舒適,上菜速度好快,食物質素款式的確好有驚喜,仲有好多台 灣直送食材,真係一個可以食回本嘅台式火鍋。