牛大人台灣火鍋吃到飽 (瓊華中心) (已搬遷) 新店位置

邊爐癮又起，夏天都好適合打邊爐，最鍾意牛大人冷氣夠勁，唔會一路食一路出汗。今日我地去左位於旺角瓊華中心的「牛大人」打邊爐。放題有3個套餐選擇，正價時段只需要$328 就可以吃到120分鐘澳洲極上和牛套餐吃到飽套餐。湯底有10款選擇，有辣有唔辣，最特別有素食鍋，我地簡了阿嬤養生濃湯鍋，大人小朋友都可以食既鍋，湯底好足料，湯鍋有好多養生配料，有大量娃娃菜、人蔘、杞子等等。極上和牛吃到飽套餐每人贈送澳洲M9和牛牛丸，和牛味濃，牛丸勁Juicy ，必食和牛牛丸。牛肉方面，我地每次都會必點澳洲和牛M5牛肩卷和安格斯牛小排，2款牛肉油花平均，油脂豐富，肉味濃郁，口感軟腍，我地encore 左好多次，牛肉質素相當滿意。除了牛肉之外，海鮮有沙白，海蝦，海蝦大大隻，鮮甜新鮮。另外亦有多款台灣直送漿類、手工水餃、台灣特色小吃，超多選擇。除了QR落單，自助吧亦有醬料區、飲品區、多款丸類和蔬菜火鍋配料選擇。酉鬼 - 『芭樂鹽小麥』$68/400ML打邊爐飲啤酒係最爽，淡淡芭樂香氣，微酸帶甜，口感清新易入口最後我地食埋Movenpick 朱古力味雪糕和仙草凍，以一餐真係非常滿足，非常飽肚。