肉多多火鍋

無論天氣幾熱，都唔會影響到香港人鍾意打邊爐嘅熱情🤣我就算一年四季都有條打邊爐癮🤭今日去到銅鑼灣糖街嘅一間台灣過江龍火鍋店食家市套餐，提供幾個肉類/海鮮選擇，每人揀一個鍋，之後再揀埋湯底就可以坐低等食喇🤩如果唔食一人火鍋套餐，可以轉用單點形式，不過價錢就會相對高昂😀醬料區以自助形式提供，仲有幾款餐前小食例如醃蘿蔔、藤椒魚皮、中華沙律，打邊爐之前就可以開一開胃先😈頂級霜降牛 ($168)紋理清晰，肉味濃郁😋入口油脂含量剛好，呢個價位俾到呢個檔次嘅牛肉，性價比相當高😈嫩滑黑魚片($128)黑魚以雕花擺盤裝飾，視覺分攞滿😍黑魚出名肉質細嫩，非常適合打邊爐，可以吸滿湯汁味道😜每個套餐跟一份拼盤，有齊丸類、餃類、蔬菜、菇類，以午市嚟講都幾豐富架😍每個套餐再跟一份主食，分別揀咗紅薯粉同埋刀削麵，最後階段食真係索晒湯底嘅精華👍打完邊爐好飽? 仲未完架👻記得要出返去自助區，自製一碗台式甜品，咁樣先係一餐豐盛嘅台式火鍋！有仙草、愛玉、芋圓、古早味冬瓜，可以按自己口味調配鍾意嘅比例😎