肉多多火鍋

想買嘅野無貨，要去銅鑼灣分店先有，橫掂出到黎，順便去早排大排長龍嘅台灣過江龍試下先。朋友話個店名肉多多好搞笑喎，位置在新地標Sugar+，隔離就係酒店，部𨋢好大部😆上到去，都有唔少人打緊邊爐，店員帶位一卡座，幾濶落👍點左兩份一人餐，湯底揀左麻辣同藥膳，滾起上黎都幾香，放個麵落去者吸飽湯汁幾正㗎。餐就點左霜降牛同羔羊肩，色水唔錯呀，入口有肉香👍個餐仲包一份蔬菜雜丸併盤、一份碳水😆可選白飯、刀削麵、王子麵或者紅薯粉，亦可加錢轉滷肉飯。飲品方面，枱上有冰茶一壺，可加錢要台式罐裝或樽裝飲品。自助區有醬料、涼拌菜同糖水，梗係要整返碗仙草愛玉芋圓啦。埋單仲有雪糕一份，有朱古力、香芋、芒果同雲呢拿四款口味。店來用餐120分鐘，環境唔錯幾好坐，唯獨冷氣有少少不足，我同朋友都係習慣開大個冷氣打邊爐😝