段純貞牛肉麵 (如心廣場一期)

营业中

休息中

係荃灣如心廣場行街，見到段純貞台灣牛肉麵，入到去見環境企理又有台式氣氛，就試咗個二人套餐！首先上枱係蒜醬青菜同台式滷菜，蒜香西生菜唔會淡淡無味；滷菜味道入晒味，冰豆腐最好食，仲有豆干同花生，超地道。之後嘅麻辣鴨血冬粉鴨血滑到不得了，冬粉吸晒湯汁，好味到停唔到口。主角紅燒腱心牛肉麵，湯頭濃郁，牛肉腱心煮得夠腍又入味，唔會嚡口。清燉牛肉麵則係另一種風味，湯底清香甘甜，適合鍾意清淡口味嘅朋友。兩款麵都係手工拉麵，掛湯一流，有誠意。最後飲返杯台式飲品，好清新解膩。整體嚟講，食物水準穩定，而且服務唔錯，員工有禮。想食正宗台灣牛肉麵，真心值得一試！