影片
更多
2021-02-13
1679 浏览
段純貞牛肉麵係源自台灣新竹市著名嘅牛肉麵店，唔少香港人遊台，都會抽時間去食番一碗，兩個月前喺荃灣如心廣場正式開業，相信對於成年無得去台灣嘅香港人嚟講，係一個大好消息！創辦人樊廣志為咗紀念佢嘅已故嫲嫲 - 段純貞所創立嘅餐飲品牌，昔日嫲嫲喺國共內戰嘅時候搬咗去台灣，由於煮得一手好滷菜同甜酒釀，就以新竹為基地，以單車售賣各式自家製嘅家鄉豆辦醬、泡椒等佐料幫補家計。新店主打木系古風裝潢，一入門口就見到大大個紅色牌匾寫住段純貞三個大字，牆上有字畫簡單介紹段純貞牛肉麵嘅故事，坐位濶落舒適。三寶麵可以同時試勻牛腱心、牛肚及牛筋。先試一啖湯，入口湯底溫潤香醇，食落油而不膩。原來餐廳對於湯底嘅製作非常認真，唔會好似坊間嘅牛肉麵店咁，用現成桶裝牛脂嚟做牛肉麵湯底，而係堅持以新鮮肥牛提鍊出天然牛油脂肪，熬製湯底用上咗牛大骨，加上喺牛骨湯底裏面加入咗四川郫縣豆瓣醬同高雄岡山豆瓣醬，以天然牛脂、八角、老薑、紅蘿蔔、白蘿蔔以及23種中藥材、香料等慢火熬製8小時，絶對係功夫菜。麻辣蒜味腱心半筋半肉麵，牛腱心肉切至厚身，油脂呈花紋狀，肉質軟腍，肉香醇厚，食落完全唔韌，並帶有花椒同醬香，每隻牛只得兩塊嘅牛腱心，一隻牛
三寶麵可以同時試勻牛腱心、牛肚及牛筋。先試一啖湯，入口湯底溫潤香醇，食落油而不膩。原來餐廳對於湯底嘅製作非常認真，唔會好似坊間嘅牛肉麵店咁，用現成桶裝牛脂嚟做牛肉麵湯底，而係堅持以新鮮肥牛提鍊出天然牛油脂肪，熬製湯底用上咗牛大骨，加上喺牛骨湯底裏面加入咗四川郫縣豆瓣醬同高雄岡山豆瓣醬，以天然牛脂、八角、老薑、紅蘿蔔、白蘿蔔以及23種中藥材、香料等慢火熬製8小時，絶對係功夫菜。
麻辣蒜味腱心半筋半肉麵，牛腱心肉切至厚身，油脂呈花紋狀，肉質軟腍，肉香醇厚，食落完全唔韌，並帶有花椒同醬香，每隻牛只得兩塊嘅牛腱心，一隻牛嘅份量大約只能做到5碗牛肉麵，確實彌足珍貴。
所有麵食都可以挑選配搭刀切手工麵或者細麵，麵條沿用台灣總店秘方，喺香港自設工場，每日新鮮製造，前者煙韌且掛湯強，後者則口感幼滑。
所有麵食都會附上一小碟酸菜，客人可以跟據自己嘅口味控制強弱。
台灣滋味，令人百吃不厭。
张贴
