影片
更多
2020-08-23
121 浏览
今年冇得去旅行，思念台灣的朋友們，真。洪瑞珍三文治去咗屯門呀！聽講去到台灣唔買洪瑞珍做手信回比同事歧視，但要買都唔容易，事關搭幾個鐘頭飛機，保存品質有難度呀！咁而家搭一車去屯市買就方便得多啦。今日首日開張，有特別優惠！於8月16日至8月30日期間，每日首50名顧客可享開幕優惠 「買三送三」（半價呀！）同埋購買1盒6件裝三文治送多1件（呢個冇限人數）排長龍就梗係指定動作啦，不過疫情其間，好希望大家有返啲social distance。好彩我住得近，買完仲有時間去買返杯仙草奶茶，一於台式到底！今晚比我扮下嘢覺得自己去咗台灣得唔得。我覺得如果住得遠少少都唔係唔可以買，但就最好帶一個冰袋去保存溫度，店員都有溫馨提示領取後需於30分鐘內冷藏，食用前最好放室溫20分鐘。佢哋嘅包裝真係好精美，每一件都有營養標籤，最佳日期等等。唔講唔知，原來寫住香港製造！嘩 Made in Hong Kong 喎！唔知大家知唔知之前有一間冒牌貨啲三文治有菌... 而家真。洪瑞珍有自己廠房喺香港，食得放心好多呀！香港店暫時有4款口味：滿漢 (火腿 + 起司)、招牌火腿、芒果起司、原味起司，試一件芒果先！感覺係幾得意嘅，
今年冇得去旅行，思念台灣的朋友們，真。洪瑞珍三文治去咗屯門呀！聽講去到台灣唔買洪瑞珍做手信回比同事歧視，但要買都唔容易，事關搭幾個鐘頭飛機，保存品質有難度呀！咁而家搭一車去屯市買就方便得多啦。今日首日開張，有特別優惠！於8月16日至8月30日期間，每日首50名顧客可享開幕優惠 「買三送三」（半價呀！）同埋購買1盒6件裝三文治送多1件（呢個冇限人數）
排長龍就梗係指定動作啦，不過疫情其間，好希望大家有返啲social distance。
好彩我住得近，買完仲有時間去買返杯仙草奶茶，一於台式到底！今晚比我扮下嘢覺得自己去咗台灣得唔得。我覺得如果住得遠少少都唔係唔可以買，但就最好帶一個冰袋去保存溫度，店員都有溫馨提示領取後需於30分鐘內冷藏，食用前最好放室溫20分鐘。
佢哋嘅包裝真係好精美，每一件都有營養標籤，最佳日期等等。唔講唔知，原來寫住香港製造！嘩 Made in Hong Kong 喎！唔知大家知唔知之前有一間冒牌貨啲三文治有菌... 而家真。洪瑞珍有自己廠房喺香港，食得放心好多呀！
香港店暫時有4款口味：滿漢 (火腿 + 起司)、招牌火腿、芒果起司、原味起司，試一件芒果先！感覺係幾得意嘅，果醬唔係好甜好甜，芒果味濃，同埋佢哋啲方包好鬆軟，好似甜甜地咁，確實係同出面啲三文治有分別。
但要數我最鐘意嘅味，我會推介原味！入面係芝士+蛋皮。可能你會問洪瑞珍嘅三文治有咩咁特別呢？我覺得係佢哋中間夾著嘅cream，係台式美奶滋味，唔係沙律醬咁簡單，加上鬆軟嘅方包，真係幾得意。售價由$19~$22都有，貴唔貴就見人見志。其實一杯珍珠奶茶喺台灣飲就十蚊，嚟到香港廿幾三十蚊，一樣有佢嘅市場。點解？咪就係因為鍾意台灣囉！！
张贴
