老媽拌麵 (將軍澳中心)

营业中

休息中

老媽拌麵，台灣過江龍！朋友屋企樓下美食太多，我成日去搵佢食飯都會去佢屋企樓下搵食！將軍澳商場既餐廳愈開愈多美食。由其新樓盤加入之後，餐廳非常吸引，間間都好大競爭啊！我比較喜歡台灣菜，對台式美食更加著迷，今晚去左食台式麵食。我叫左金華火腿干貝花鵰雞濃湯粗麵。金華火腿帶出湯底甘甜味道，入口香濃唔油膩，麵質好爽口，粗面口感非常豐富，麵身掛湯力非常高。花鵰雞肉滑溜略帶酒香！套餐飲品叫鮮奶抹茶。奶香濃厚茶味突出甘甜，入口幼滑無茶粉。小食叫左炸大雞排，香脆外層雞肉鮮甜。