今次我揀咗三樣食物醬燒雞屁股，阿木剝皮辣椒豬肉餃，嘉義水晶餃子
豬肉餃子一客有十六隻，食落去有辣椒香但係唔會太辣，有少少辣椒反而更加開胃，內面豬肉都好足料，餃子漲卜卜，餃子皮同港式唔同，雖然唔薄但食落絕唔會覺得係厚皮，反而有d 煙韌，台灣風味十足！
水晶餃子呢個真係好有驚喜，喺香港都冇食過！外皮非常之軟糯qq，感覺睇起嚟似粉果，但又比粉果外皮更香又好味，內面肉碎餡料好好味，每隻餃子都手掌咁大，超級推介！
醬燒雞屁股，台式熱門小食，醬汁濃郁惹味，有咬口又唔會鞋口，好似食緊淋淋脂肪，好味道又邪惡！
如果唔係到我有位，真係要慢慢揀，眼花撩亂太多美食！
