牛大人台灣火鍋吃到飽 (加拿芬廣場)

营业中

休息中

[ 牛大人台灣火鍋吃到飽 ]相信聽到牛大人大家都唔陌生，今日突然好想食台式火鍋，近近地就去咗位於尖沙咀嘅牛大人度食下先😋✿ 牛大人120分鐘吃到飽套餐澳洲極上和牛 $328/位 (正價時段)湯底今次簡咗「眷村白玉酸菜鍋」，以酸菜🥬🥬配搭香濃豬骨湯，湯頭酸而不嗆，口感溫和。肉類澳洲和牛M5牛肩卷、安格斯牛小排、手切封門柳&安格斯一口牛肉粒等等全部任叫任食🥩🥩。澳洲和牛牛味濃郁，肉質嫩滑；安格斯一口牛肉粒脂肪分布均勻，又有彈性；牛胸爽都好爽脆，種類十分多👍🏻火鍋配料套餐包咗「澳洲M9和牛牛丸」每人2粒。牛丸好重牛味，爽口彈牙。另外仲有好多款式選擇，有鵝脆腸、秘製滷牛筋、高麗菜水餃🥟等。特別推介私房鴨血，香滑又入味，另外仲有多款菜&丸係自助區選擇，真喺包羅萬有！飲品任飲自助區雪櫃飲品，包括自家製冷泡茶、汽水，仲有Qoo果汁等等。甜品🍧🍨埋單時有一張飛仔每人可選擇「台中仙草凍」或Movenpick雪糕一杯。是日雪糕口味有士多啤梨，朱古力&夏威夷果仁😋😋總結🫦名副其實嘅120分鐘吃到飽，款式種類多，任食台式火鍋黎講算數一數二。而且尖沙咀分店地方寬敞，座位都坐得好舒適，好推薦大家可以試吓呢一間分店