牛大人台灣火鍋吃到飽 (瓊華中心) (已搬遷) 新店位置

聽聞台式火鍋代表牛大人好好食，性價比超高，可惜一直都未有機會成功預約。今次終於有機會去試吓牛大人嘅魅力。我哋今次揀咗120分鐘澳洲和牛吃到飽套餐，其實就係任食所有非付費嘅item，包括另外兩款比較平嘅套餐入面嘅肉類都可以選擇。湯底🫕台灣鳳梨雞鍋Taiwanese Pineapple And Chicken Soup湯底我地揀咗一個好特別嘅鳳梨雞鍋，好少見打邊爐用鳳梨做湯底。湯頭好清甜，重雞湯味，其實飲唔到鳳梨味，入面非常足料有成半隻雞。必食推介💖👍 澳洲和牛M5牛肩卷呢個套餐嘅重點‼️牛肩卷碟碟都好靚，大大塊，有牛味得來唔會油，食多幾塊都唔會滯。口感扎實，脂肪比例較少。嗌咗幾round，質素都keep到無令我地失望！👍 紐西蘭羊肩卷愛羊之人必食💖 羊味重，脂肪分佈平均，成塊肉都唔會韌。有咬口，配合鳳梨雞湯帶出鮮味。👍 蟹籽墨汁漿其實係加咗大量蟹籽嘅墨魚滑，相信因為加入咗好多墨魚汁去製作，所以成個都係黑色嘅。相比起其他款式嘅漿，蟹籽墨汁漿相對比較重味，口感彈牙，入面仲有粒粒嘅墨魚添！👍 水蓮水蓮係一種台灣蔬菜，比較少見，今次係牛大人見到一定要試吓。水蓮嘅口感爽脆，帶有大量水份，而且好入味。