價錢: $498/ +$120
好味程度: 4/5
服務🍴: 4.3/5
環境🗾: 4/5
性價比🥢: 3.4/5
回頭率😚: 3.7/5
-
仲係restaurant week，快啲出呢間先，但我係3月個轉RW食的😆來自台灣的路易奇燒肉，會有店員全部幫你燒好，速度啱啱好，會跟住你食的速度逐碟肉燒，中間夾雜蔬菜，令你無咁你問。成個服務同體驗係ok的😬
-
✅✅極生牛肉佐帕瑪森起司。麵包好食好厚，外脆內鬆軟！和牛他他再撒上大量起司，香氣十足，口感有層次。
-
✅日本A5和牛牛小排。配搭鹽昆布，微微調味，突出油脂分佈滿滿的和牛。
-
✅美國牛舌厚切。有厚度的牛舌當然好食☺️肥美爽彈，配搭鹽蔥/青檸，一啲都唔漏。
-
✅✅菲力佐香蒜奶油。口感細膩，肉質牛軟，肉感滿滿🤪，配搭的香蒜奶油好好食！蒜已經熟曬好甜，唔辣🤩用奶油match啲瘦的肉肉，fit！
-
✅✅日本A5和牛海膽卷。和牛輕輕燒熟，卷起一卷，面頭加上海膽，一啖食又鮮又肥美，好幸福😚
-
✅真理丼。必點的呢個飯！A5和牛他他、魚子醬、黑松露、海膽、蛋黃的配搭，打卡係好豪華🥳但略嫌味道太豐富太多種，唔係好和諧，海膽的鮮都食唔出🥲入口有蛋黃同和牛，當然滑溜。味道上尾韻都帶啲松露香。
-
✅醬漬封門柳。甜甜的醬，加上芝麻，配合比較瘦的封門柳，味道濃郁d。
-
✅椒鹽雞腿肉。嫩雞腿肉，皮薄，簡單椒鹽調味，去除雞肉的腥味。
-
係一餐好食的燒肉，呢個價錢合理，但份量偏少，全部都係剪細片share，男仔應該唔夠飽。肉的質素絕對無懷疑，特別在同肉類的配搭。不過佢又唔係真係特別出色，唯一係因為個真理丼要來食一次！
