龍點心 (Eastcore)

营业中

休息中

住九龍東嘅無人唔識龍點心，個個住嗰邊嘅朋友個個都話好好食，住新界嘅我終於得閒黎試吓佢啦！一口咸水角必食之一，平時我去飲茶一定會叫咸水角，但呢度嘅咸水角再昇華咗，賣相不似平時的油膩黃色，而係橙色撞綠色，食落口感脆卜卜熱辣辣，唔似平時炸好放到凍晒咁，我想叫多一碟呀！脆脆富貴紅米腸粉必食之二，望住呢款新式點心你可以話咪又係炸兩？不過佢真係做得好好，入面脆卜卜油炸鬼包住鮮蝦外面包住紅的的腸粉，面頭好似西餐咁唧啲沙律醬。一口咬落去有多重口感，佢仲有好多 Sause 比你去點，正！懷舊燒賣燒賣大大粒，蝦肉新鮮，味道都唔錯，下次試吓唔同款的燒賣先！黑金流沙包 黑金流沙包而家都算係好多地方都有，但我覺得佢整得都好食，奶黃夾蛋黃熱辣辣流出，都好好味呀！鰻魚荷葉飯鰻魚飯都好食，面頭仲有金泊令佢更高檔，不過我個人覺得呢度點心類先係最正同必食。