貓抓烤肉

营业中

休息中

今日約咗閨蜜食晚餐，佢知道我係貓奴，所以特登帶我去開咗冇耐嘅貓咪特色餐廳，佢哋喺旺角新寶戲院附近地點好易搵，一入餐廳就見到好大隻招財貓喺門口迎接我哋，裝修充滿咗🐱裝飾有掛畫、擼貓指南、周圍都係貓嘅元素啱晒我呢個貓奴瘋狂打咭！呢度係以單點形式，我哋叫咗個貓抓全明星拼盤（$308）包括：炭燒梅花肉、雪花牛肉、秘製牛五花、雞髀肉，現拌牛肉加洋蔥、藤椒牛舌及蒜香豬五花。之後我哋叫咗泰式沙巴魚，貓抓泡椒肥牛($88)呢啲肥牛上面有好多泡椒，捲埋一齊食辣度十足非常惹味！另外仲叫咗一貓爪拌飯，呢個拌飯加上紫菜啱晒攞嚟送燒肉😋飲品方面我哋叫咗一杯貓　檸荼同埋貓草茶（$28），唔知係咪泡椒牛肉太辣🥵所以好似好細杯唔係好夠喉😹最後我哋仲叫咗貓爪布丁（ $28 ）同埋貓抓雪花冰（ $42 ）呢個雪花冰另上士多啤梨糖漿配埋椰絲仙草，味道好清新Yummy!總括嚟講呢度啱晒我哋呢啲貓奴，有好多唔同嘅打卡位，而且服務唔錯，呢度仲可以免費即時入會有$50優惠券下次用，之後仲可以用會員優惠價計算，下次一定會再嚟！