堅信號上海生煎皇 (形點 II)

营业中

休息中

堅信號生煎包喺我心目中一直都幾好食，唔單止餡料好味，仲會爆汁，不過佢嘅價錢都幾貴。今日同屋企人去食下午茶，價錢稍為平少少。四件生煎包下午茶餐$37,另外叫咗豬扒煎蛋菜飯$42再加多兩隻生煎包$15，番茄蛋牛肉螺旋藻湯麵$58。而家關注小紅書有冰粉送！生煎包仍然係外脆，爆汁，但食落唔夠熱，咬出嚟嘅湯汁都只係微溫。豬扒煎蛋菜飯份量十足，豬扒好入味不過唔夠juicy。蕃茄蛋牛肉螺旋藻湯麵都幾好食，而且我覺得佢嘅蕃茄湯底唔算好重味精，都幾適合小朋友或者喜歡淡味嘅人士，牛肉幾嫩，仲有好多螺旋藻，都唔錯。贈送嘅冰粉都ok，有幾粒提子乾同埋好似係黑加侖子味嘅醬汁？食落都幾消暑，唔介意關注佢哋小紅書都可以換領試下。