影片
更多
2015-11-25
479 浏览
約左朋友睇9點半，朋友又要開OT，一早收工既我百無聊賴係尖沙咀左逛右逛咁HEA時間，突然肚餓發作，抬頭一望，見到好耐無食過既“澳門冰室” ，最掛住佢既茶走 同脆豬仔 ，跟著就衝左上去（忘記左要KILL TIME呢個目標，香港既茶餐廳食完就要行嘛！）行條樓梯上到去坐左張4人枱，因為舖頭唔爆，侍應們都無理我，睇睇MENU，原來成間舖頭係無飯嗌架，即係啲餐只可跟意粉同薯菜，一個大男人無飯到肚好驚唔夠飽，唯有叫左個雜扒餐。我問侍應姐姐點解無飯食，佢好肯定咁叫我放心，意粉都一定食飽我。好，我暫且試下你個意粉有幾厲害 。茶餐廳既速度，好快就黎左我至愛既茶走（少甜）同埋碗紅湯（羅宋湯）。茶走個茶膽有少少澀，加埋鍊奶既滑度，飲落去好想再追多啖 。其他茶餐廳既茶走好多時都沖得好太甜，如果少甜又會澀得好勁，剛剛好有甜味同澀味既奶茶真係好難搵到。至於羅宋湯，望落去普通，但入面竟然有幾粒肥腩粒，哈！果然不賴 ，唔似其他茶餐廳既雜菜番茄醬湯。好味 雜扒鐵板轉眼就到，汁一早已經淋好，所以聽唔到“渣”果聲，鐵板上面有火腿，腸仔，雞扒，豬扒，番茄，份量同種類算適中啦，加上蒜蓉汁，味道算係不過不失
行條樓梯上到去坐左張4人枱，因為舖頭唔爆，侍應們都無理我，睇睇MENU，原來成間舖頭係無飯嗌架，即係啲餐只可跟意粉同薯菜，一個大男人無飯到肚好驚唔夠飽，唯有叫左個雜扒餐。我問侍應姐姐點解無飯食，佢好肯定咁叫我放心，意粉都一定食飽我。好，我暫且試下你個意粉有幾厲害 。茶餐廳既速度，好快就黎左我至愛既茶走（少甜）同埋碗紅湯（羅宋湯）。
香滑茶走少甜
23 浏览
0 赞好
0 留言
紅湯（羅宋湯）
26 浏览
0 赞好
0 留言
美式雜扒
43 浏览
0 赞好
0 留言
跟著侍應姐姐上左一碗意粉.....應該係一大碗意粉 ，雖然望落去有點乾，但撈埋蒜蓉汁食都幾好味，份量足夠我呢個大男人食有餘 。食完個扒，侍應姐姐走埋黎收左我個鐵板同湯，竟然加左句：慢慢坐，無客坐耐啲都得 。
嘩嘩嘩，我當堂如夢初醒，本來惗住起身埋單既我忽然記得要等OT既朋友仔，既然侍應姐姐都要求我坐耐啲，我唯有義不容辭咁繼續嘆我杯茶走少甜啦 ，坐左半個鐘左右，發覺周圍開始坐滿人，但竟然無人有意無意咁趕我埋單，不過識做既我當然一口飲埋啖茶走離開個舒服既位啦
埋單65蚊，價錢適中，不過杯茶走同服務令人印象加分 下次要食埋個脆豬仔先得
张贴
