幸運星

营业中

休息中

之前行過見到新開，今日有時間可以去試下。外表似茶記，睇到menu先知主打日式食物，滑蛋豬扒呀，豬軟骨石鍋飯，烏東呢類。叫左2個飯，樣子正常，但食落完全無味，就算有汁但唔知點解可以淡而無味。朋友食炸雞，雞件數量多，但又鞋又乾。石鍋飯上到枱啲飯唔係熱辣辣，又無飯焦，我懷疑係咪整好啲飯就咁畢落個鍋。同我朋友個飯無分別，只不過用唔同器皿盛載。雞翼總算正常返，不過18蚊得2隻略為少左啲。飲品幾大杯，抵讚埋單2人160蚊，不過不失。