老荔冰室

营业中

休息中

先前見到網上面好多人都話呢一間老荔冰室有一個花膠雞米線好正，所以今日特登同我朋友一齊去試吓。門面同店內環境都算幾有特色。坐低嗌咗個麻辣花膠雞阿媽足料雞湯米線，麻麻哋豬扒酸辣米線同埋炸彈骨雞翼。首先嚟咗個炸雞翼，可取之處就係佢熱辣辣咬落脆口，啲肉係嫩嘅，但就平平無奇，要靠泰式酸辣汁先有味，而且6隻單骨雞翼（三隻完整雞翼）$32，個人覺得有小貴。跟住嚟到萬眾期待嘅花膠雞米線，嚟到嘅時候湯底尚有餘溫，麻辣味超輕微，花膠的而且確係大塊嘅，但係冇咬口，仲有幾件雞肉尚算新鮮。豬扒酸辣米線湯底一樣，湯底尚有餘溫，酸辣味超輕微，個炸豬扒真係麻麻哋。用餐時間大概35分鐘左右，不停聽到要幫人收碟，感覺好似喺度趕客，而同時一個頭頂扎辮的男侍應，好有幾次地行路碰撞我坐的椅，我已經心口接近貼住桌面，但依然仲係俾佢咁樣碰撞。埋單嘅時候除咗俾錢外，仲收到一張黑色嘅臉色。無必要再去。