因為呢間店，食評上好多人都話蝦拉麵好食，我又姑且試佢一試啦。
海老🦐拉麵🍜
香味 (4/5) - 齋講香味嘅話，蝦味當然係夠晒香，所以高分都正常。
湯頭 (3/5) - 如上所講，櫻花蝦嘅味主導晒所有其它味道，除左櫻花蝦嘅味，真心食唔出其它味。不過，濃度夠，鹹度剛好，算合格。
麵條 (3/5) - 佢可以揀幼麵或粗麵，我認為海鮮系湯頭，比較夾幼麵，所以揀左幼麵。呢款幼麵都幾好，直身，用左全粒粉，所以口感有咬口，有層次。不過，同一個問題，除左蝦味之外，食唔到麵條本身嘅小麥香。
配料 (2.5/5) - 既然係海老🦐拉麵，主角當然睇隻蝦。一試，ok，係雪蝦，質素似食緊超級巿場d炸蝦咁，唔算難食，但唔配做主角。
反而，另一位本身應該係配角，但榮升左做主角嘅係塊超大嘅五花腩叉燒，因為佢存在感實在太重。一試，嘩，油膩到呢。五花腩肥就預左，只係佢可能落左極多牛油去煎香，牛油味超重，油膩到一個點，加埋d肥膏，真心頂唔順。
1
隻蛋呢 (要額外叫)，係唯一可以讚嘅。蛋嘅表面非常光滑，食落味道偏甜，似係味醂嘅味。成隻蛋，我係 enjoy 住，珍而重之咁去食每一啖。
整體 - 不推薦。但如果你偏好食蝦拉麵，一試無妨。
