小黑糖 (宏生大廈)

营业中

休息中

今日食完飯朋友話唔夠飽就黎附近呢間小黑糖買野飲。呢度主打黑糖，我地當然就揀左有黑糖既飲品。呢度有好多打卡位架。紫薯於你珍珠（$32）我load左一陣，終於明個名點解！原來用普通話讀係只屬於你！真係有意思。揀左微糖，朋友話甜度真係啱啱好，鮮奶配紫薯真係超夾，有啖啖紫薯蓉仲有好有咬口既珍珠，超正！泰好喝歐蕾珍珠（$32）我就揀左平時少見既泰茶珍珠，揀左少甜，茶味更出，而且唔會有苦既感覺，奶味香濃，味道絕對比得上泰式茶飲店。珍珠黑糖味亦好出啊。