雲壽司 (德和大廈)

营业中

休息中

朋友生日,請佢去壽司店吃魚生飯,揀咗呢間喺中環性價比高嘅壽司店。我地叫咗兩個壽司飯,味道亦都一流。係非常之滿意之際,竟然含啖馬糞海淡之後,好似有骨喺裏面?吐出嚟睇下,一粒細細黑黑哋尖尖地嘅物體,好奇怪!梗係要見侍應姐姐嚟睇睇咩事啦,佢小心翼翼咁用紙巾包住嗰粒黑色嘢畀咗壽司主管睇睇,研究咗一輪,回答係「海膽嘅殼」。咁都畀我食中,咁呢板海膽又真係好新鮮喎! 主管覺得唔好意思,唯有送多一碟仔嘅馬糞海膽畀我補償一下囉。由於我覺得太好食,所以「只要信,不要問」我繼續食埋餘下嘅壽司飯。確實好新鮮嘅,三色丼海膽好味之外,三文魚子粒粒彈牙又唔腥,若嫌帶子太薄啦,一睇就知一開二,但夠鮮味,感覺良好嘅。至於我朋友嘅火炙魚生飯,雖然魚生係半生熟,但係片片都鮮,佢好滿意。我係覺得食海膽嘅經歷搞鬼,不得不同大家分享。