影片
更多
2020-02-27
40 浏览
而家都好少出街為妙，但有時都心癮起都想出去同朋友食下飯傾下計，於是放假就同左朋友去食下野。太子不嬲都有好多好野食，我地就去左一間餃子店到食野，一開始入去個樣真係唔知佢係餃子店，佢嘅感覺好古色古香，但見到佢放左易拉架寫有啲咩野食，見到幾吸引就入去試下，唔通呢個就係我地嘅緣份。食野之前飲下豆漿先秘製醉雞(例)我地點左一個例牌秘製醉雞，入口充斥住好香嘅花雕酒味，係香港好難得食到肉質彈牙又有雞味嘅雞，例牌嘅份量一啲都唔少，而且件件都肉多骨少，真材實料，而家天氣忽冷忽熱，熱嘅時候食下醉雞呢啲涼食都幾正。雙拼湯餃(西洋菜豬肉餃+芹菜豬肉餃)湯餃有六款口味可以揀，我就揀左雙拼(西洋菜豬肉餃+芹菜豬肉餃)，湯底幾清，飲得出係無落味道，就算成碗飲哂都唔會覺得口渴口乾，佢仲加左蔥粒同生菜，而且呢到餃子係每日人手包製，即叫即煮，所以KEEP到水準，皮滑。西洋菜豬肉餃呢款係季節限定，餡料好豐富，有好多人都好怕西洋菜有一陣草青味，但呢到嘅西洋菜口感清爽之餘又唔會有草青味，平時好少食過呢種口味，今日試都幾有驚喜。芹菜豬肉餃加左芹菜粒粒，口感好爽口而且仲可以吊出豬肉嘅鮮甜味，個人黎講幾鍾意食呢種口味。白菜豬肉煎餃用
太子不嬲都有好多好野食，我地就去左一間餃子店到食野，一開始入去個樣真係唔知佢係餃子店，佢嘅感覺好古色古香，但見到佢放左易拉架寫有啲咩野食，見到幾吸引就入去試下，唔通呢個就係我地嘅緣份。
食野之前飲下豆漿先
秘製醉雞(例)
我地點左一個例牌秘製醉雞，入口充斥住好香嘅花雕酒味，係香港好難得食到肉質彈牙又有雞味嘅雞，例牌嘅份量一啲都唔少，而且件件都肉多骨少，真材實料，而家天氣忽冷忽熱，熱嘅時候食下醉雞呢啲涼食都幾正。
雙拼湯餃(西洋菜豬肉餃+芹菜豬肉餃)
湯餃有六款口味可以揀，我就揀左雙拼(西洋菜豬肉餃+芹菜豬肉餃)，湯底幾清，飲得出係無落味道，就算成碗飲哂都唔會覺得口渴口乾，佢仲加左蔥粒同生菜，而且呢到餃子係每日人手包製，即叫即煮，所以KEEP到水準，皮滑。
西洋菜豬肉餃
呢款係季節限定，餡料好豐富，有好多人都好怕西洋菜有一陣草青味，但呢到嘅西洋菜口感清爽之餘又唔會有草青味，平時好少食過呢種口味，今日試都幾有驚喜。
芹菜豬肉餃
加左芹菜粒粒，口感好爽口而且仲可以吊出豬肉嘅鮮甜味，個人黎講幾鍾意食呢種口味。
白菜豬肉煎餃
用少油煎煮，最岩襯熱食，食落一啲都唔油膩，打破煎餃必定係油膩嘅感覺，食完都唔會有罪惡感，而且仲可以保留到香脆嘅口感，煎餃會配上佢地自家秘製嘅四川辣椒醬，味道更加惹味。
總括而言，呢到啲野食都唔錯幾好食，有時唔一定連鎖店先好食，小店都好值得我地支持。
张贴
