大眾麵家

营业中

休息中

佐敦近油麻地的一間小店如果唔係有人介紹應該都唔會入去，加上疫情之下呢d殘殘舊舊嘅舖頭真係唔係咁敢入去，但係食過佢嘅麵就知道真係值得一試。兩個人叫咗兩碗麵，一碗係牛肉麵，另一碗係北京炸醬麵，之後再叫咗個韭菜豬肉餃同埋一碟土豆絲。北京炸醬麵最出色，同我哋食開嘅廣東炸醬麵好唔同，佢嘅炸醬係肉茉，配上青瓜絲，好fresh好好味。牛肉麵嘅牛肉比想像中嫩，份量都幾足。土豆絲酸酸辣辣好有風味，個韭菜豬肉餃應該係自家製，餡嘅豬肉同韭菜嘅比例幾好，所以整體黎講都真係幾好食。