囍越 (將軍澳中心)

营业中

休息中

越南菜多數相連星馬泰菜，呢間係我第一間食嘅純越南菜餐廳。餐廳設計簡單乾淨，牆身掛滿竹笠做裝飾，靠牆嘅座位更有椅背座墊，十分細心。午巿套餐選擇唔多，加錢嘅小食同甜品唔抵，分量少。越南菜口味清淡，追求健康不妨一試。加$20配嘅小食:香茅炸雞翼，平均$10一隻，味道麻麻。 絲網春卷配生菜，新鮮炸起好脆，裏面嘅芋絲好香。要厚切豬耳扎肉配生菜，生菜新鮮，包住一齊食同札肉好夾，幾好味。順化鮮茄牛腩飯，裏面係牛肋條，肉嘅份量幾多，焙得幾淋，茄味唔重，有啲清，都唔錯。香草黑椒牛柳鬆炒飯，無香草味，無牛味，特別，普通炒飯。WTP(火車頭)湯河粉，河河好幼唔薄身，肉無特別，口味亦係偏向清淡，整體可以。香茅豬扒配撈檬，豬扒做得好，夠大塊，雖然係炸但一啲都唔油夠乾身而且唔鞋，檬粉加魚露好清新，好味。加$14嘅椰青糕，椰青味淡，似大菜糕質感。