仁芝初

营业中

休息中

早排睇鼎爺廚房，居然教煮一味鮑魚綠豆沙！簡直創意爆燈！同時令自己嘅中式糖水食引大作！係隔離街食完碗餛飩，就過嚟仁芝初買碗紅豆沙外賣，滿足一吓中式糖水引.好好彩，外賣有折扣添！一般嘅中式糖水店總俾人一種老派嘅感覺，但仁芝初反傳統，從店鋪裝修以至員工都有年青風.查實屋企樓下都有中式糖水店，但無論紅豆沙又好，綠豆沙又好，都係一鼓好死嘅甜味，而且得個甜字，食過一次就怕怕.反觀仁芝初嘅紅豆沙，甜得嚟重有明顯陳皮香，甜度適中唔會過甜，重有一點，起沙！試過自己煲紅豆但總係唔起沙，所以食到起沙嘅紅豆沙，好滿足！今次食紅豆，下次試試綠豆沙.最後一提，外賣用上紙質碗，為環保出一份力，讚！