Grill n More

星期六晚唔知食乜好，朋友住康城，去pop corn剛剛好大家中間。成個pop corn好似饑荒咁，咩都排長龍，呢間少人啲，即排。排排下睇食評，哇，好似中伏，不過就黎到，又肚餓，食左先算。入到去，環境OK，去熟食區，真心OK，湯，都幾好飲；韓燒野，好過好多旺角韓燒，其實真係唔覺有幾差。係soft drink得幾款咯。刺身壽司，重申一次，呢間係韓燒，算係咁啦。其實我覺得反而各方面都幾平衡，最啱唔知想食咩既人，又或者咩都想食既人。咁既價錢，咁既環境，咁既食物，仲想點。其實啲食評係咪只會讚好超貴食店同埋所謂隱世小店？