花漾 (已結業)

招牌新加坡大蝦喇沙摻摻 兩種粉都好滑，喇沙湯香濃唔油膩微微辣，好大碗都好餸，蝦，魚蛋，豆卜，魚片。海南雞飯拼白胡椒肉骨茶海南雞夠滑，係有雞髀加雞胸，雞胸都唔會去嚡口，個油飯好香，會想食多一碗。肉骨茶胡椒味重，但應該煲得未夠耐，所以好似剩係得胡椒嘅辣，未有肉骨茶果種味道，舊肉同豬肚就普普通通啦。原本想叫冰鎮鮑魚黑胡椒炒龍蝦佢話冇，都幾失望，因為原本係出邊睇餐牌都係想食呢兩樣嘢，下次黎再食。沙嗲拼盤冇魷魚腳，轉左三條雞肉三隻蝦，啲蝦都好彈牙雞肉都幾滑唔會乾。咖喱酥餅 咖喱汁都幾香，辣辣地，個蔥餅做到外脆內軟，係略嫌唔夠酥皮。麥皮蝦球普普通通黃金單骨雞翼 黃金恰到好處，唔會多黃金到食唔到，調左味既雞翼食完會有種餘香係口。叫咗兩杯嘢飲椰子雪糕咖啡椰子雪糕幾好味 咖啡就香滑既都恐龍美錄 都沖得幾好味 唔會太淡最後因為有時代廣場美食卷，所以打包多個海南雞飯外賣拎走，我估可能比漏咗個湯，因為個餐牌上面係有嘅，不過算數啦，半價好底食，埋單先四百幾蚊。