力天冰室

营业中

休息中

今日去左新蒲崗呢間茶餐廳食飯，估吾到服務好好，又平又好食。真係要打出來讚美下佢地咁nice，食物又好。入到去店員都好親切咁嗌我地隨便坐，佢有個是日menu,真心抵食，鐵板雜扒餐都只係幾十蚊，好大份有雞扒，豬扒，腸仔，雞蛋，火腿，每樣野都好大件，另外豬扒好淋，雞扒又好滑，配埋意粉，碟意粉食極都好大碟，包你食到飽！朋友就叫左個蕃茄焗豬扒飯，豬扒飯真係好好味，啲蕃茄新鮮，肉汁鮮味，飯底都炒得好好，另外再叫多個芝士流心西多士，除咗有多少特色，芝士味濃，令人回味值得推介。