影片
更多
2020-01-20
132 浏览
今天因有事黎開灣仔, 順道上網搵地方晚飯, 搵左兩個1. 越南粉 2.四川. 由於朋友話好耐無食辣野, 所以就黎左呢度.步出電梯, 見地氊亂放又污糟以為去左後巷, 但行過兩步就是食店入口, 果邊仲有兩部電梯, 可能我果部運貨掛鋪不算大, 暫見有一枱客, 店員殷勤帶我地到窗旁卡位坐, 桌上已放有兩店小食(花生及豆角, 無乜點,食又得唔食又得果種). 有夜景睇本應唔錯, 可惜塊玻璃油立立, 應無乜點抹, 再望下條罅, 攝住d用過既紙巾, 即刻打過突, 潔癖既我隨即望下枱面, 石面枱上一陣霞氣, 應是剛開鋪冷氣未夠影响, 即時抽張紙巾抹乾先, 點知唔抹由自可, 抹左都有少少火, 張紙巾佔上係啡色油漬, 即時大打折扣. 朋友睇完餐牌, 因太多款色唔知食咩好加上我已無乜心情諗, 就叫左個$598 2人餐(兩個涼菜, 兩個主菜, 一款點心或甜品). 無耐侍應就上左涼菜.....主食...小籠包等, 以下是我個人的感覺:涼菜蒜泥白肉 - 蒜泥唔知係咪混左青瓜攪拌過, 食落好清新, 而肉片同青瓜都刀得好薄好刀功, 整體味道很好豆素卷 - 有4條,切開兩邊約八件, 麻醬伴碟,
步出電梯, 見地氊亂放又污糟以為去左後巷, 但行過兩步就是食店入口, 果邊仲有兩部電梯, 可能我果部運貨掛
鋪不算大, 暫見有一枱客, 店員殷勤帶我地到窗旁卡位坐, 桌上已放有兩店小食(花生及豆角, 無乜點,食又得唔食又得果種). 有夜景睇本應唔錯, 可惜塊玻璃油立立, 應無乜點抹, 再望下條罅, 攝住d用過既紙巾, 即刻打過突, 潔癖既我隨即望下枱面, 石面枱上一陣霞氣, 應是剛開鋪冷氣未夠影响, 即時抽張紙巾抹乾先, 點知唔抹由自可, 抹左都有少少火, 張紙巾佔上係啡色油漬, 即時大打折扣.
朋友睇完餐牌, 因太多款色唔知食咩好加上我已無乜心情諗, 就叫左個$598 2人餐(兩個涼菜, 兩個主菜, 一款點心或甜品).
無耐侍應就上左涼菜.....主食...小籠包等, 以下是我個人的感覺:
涼菜
蒜泥白肉 - 蒜泥唔知係咪混左青瓜攪拌過, 食落好清新, 而肉片同青瓜都刀得好薄好刀功, 整體味道很好
豆素卷 - 有4條,切開兩邊約八件, 麻醬伴碟, 饀料粉絲及紅蘿蔔絲, 味道無乜點,唔加麻醬會好食d添
主食
水煮桂花魚 - 無諗過咁大碗, 個樣仲好正添, 食落都正, 但唔算辣, 魚應有一條(因見頭有尾,有鰓) 裡面仲有芽菜, 寬薯粉, 篙筍, 藕片,菇片, 份量相當足夠
客亦多左幾枱, 原來埋便仲有房添, 我估大部份人都係食套餐, 因上既野差唔多 ~
樟茶鴨(半隻) - 鴨件散修修, 賣相唔多掂, 碟兩旁共有6隻貝殼型的包包, 但鴨件連骨, 基本上唔可以夾住食的 , 鴨味道其實唔錯,似返炸,故非常乾有d似食蔗咁, 嘥左
點心/甜品
灌湯小籠包 - 皮厚同埋咬落有點靭, 似未蒸透, 湯係甜,但無乜肉, 唔食也罷
最後埋單時送了兩碗紅豆沙, 呢個反而ok.
今餐朋友請, 瞄到張單盛惠$714.5 荼介小食應變50左右連埋加一
總括黎講: 抵食, 但唔好食. 雖無話好難食, 仲捧住個肚, 食唔哂添, 但食完並無回味既感覺, 只係覺得食左堆野落肚咁啦, 而清潔就真係不值一提, 硬唔明點解攪到好似地踎茶樓咁, 裝修得雅致都無用
张贴