牛大人台灣火鍋吃到飽 (瓊華中心) (已搬遷) 新店位置

其實牛大人真係食極都唔會厭，隔一排又會想黎打下邊爐，食食牛肉🍲🫕🍲🍲今次去左旺角瓊華既分店，旺角分店面積較上次去既尖沙咀細dd，但依然人頭湧湧，好多人排隊等入座👩🏻👨🏻👱🏽‍♂️👩🏻‍🦱今次都係揀左澳洲極上和牛任食套餐，事關我好鐘意食牛肉，呢個set多好多靚牛肉揀，價錢都好抵食。🥓🥓🥩🥩🥓🍖而今次就叫左個鴛鴦鍋，叫左白玉酸菜同埋牛大人秘方麻辣鍋，酸菜湯真好重味，又酸又有菜既甜味，非常開胃。🤤🤤我就狂食安格斯牛小排、澳洲和牛M5牛肩卷同埋美國Prime 極級肩里肌。牛小排最腍，M5牛肩卷之餘牛脂味較香較濃，而極級肩里肌就比較有咬口。三款都必定要食呀！另外，我覺得章魚珍珠漿都好吸引，滑入面有不少章魚粒，粒粒彈牙，而且個章魚滑好鮮甜，又爽又彈牙既口感配搭得好好，比起其他滑更加出色。仲有一個非常令感到有驚喜就係瓜仔雞水餃，之前我一直都係點過呢個水餃，今次就試試，肉質味道又香又甜，好好味！其實見到個滷肉飯都幾想試下，一打開噴噴既肉味飄哂出黎，但最衰今次食太多牛肉，惟有下次再試。