牛角日本燒肉專門店 (皇室堡)

营业中

休息中

鐘情於燒肉既我一起身就想食牛角✌🏻之前都試過食呢間要排好耐隊，今次醒喇出發前就先download 定kabu app拎定籌。上車前見到前面有成20幾張枱🙂 落車之後一路係個app到望住排隊情況一路係附近行街，就叫到號碼時先出現。由個app拎飛起計都足足等左1.5小時先食到😂好彩用app睇咋如果唔係係現場等真係等到石化~今次2條友叫左3味，一黎就係六品盛合。肉肉肉肉肉，燒汁味睇唔出食唔出。牛舌最好味，其他普通，有d仲未完全解凍。然後叫左個香䓤溫泉蛋紫菜飯，香葱得幾粒，幾乎係食唔到。不過紫菜咸咸地咁樣撈飯係唔錯，之前食過一間會加埋牛油一齊撈仲正。38蚊加一既呢個飯，抵唔抵食就見仁見智喇。最後叫左個泡菜豆腐海鮮湯，有硯有幾粒細細帶子，味道適中，唔會太濃，豆腐無敵咁大舊成餅咁車入去。總括：要排1.5小時就唔會食喇，不過不失，無驚喜又不至於難食。唔會番尋味～用app排方便好多。