莆田

以往去登機前都係食翠華或者敏華，不過食嚟食去都係公仔麵，今次決定試吓機場入面嘅莆田，屋企人就揀咗佢嘅海南雞飯，見到呢個興化炒米粉睇落幾足料家長仲配黑蒜頭燉湯，一於試試佢！

先講講海南雞飯，雖然$98 ，但係都差唔多有成¼隻雞而且係真係正宗去骨，佢嘅黑醬油甜甜地配雞好正！有返偏乾身，配埋佢嘅醬汁啱啱好！

至於碟米粉睇落細碟，但好似食極都食唔完咁非常飽，有冬菇嘅香味，米粉夠晒乾身！需燉湯好重蒜頭香，入邊嘅排骨已經熬到入口即溶！下次出發去旅行，我會再試！