寶蓮禪寺齋堂

今次係第二次食齋堂，以前通常食小食亭，今次撞到午餐時間就食正餐啦。齋堂係馮齋券入席，賣券姨姨話d齋菜好新鮮，同小食亭冇得比，果然，今次食既整體感覺比以前好，可能人大左，抱住一個咩心態食都好重要，如果想食fusion 齋菜或者食環境就要去鑽石山淨苑度食，係呢度可以懷住活在當下，珍惜食材同與你共餐既人既心，品嚐食物。

入到齋堂，裝潢平實，多數都係四人枱或圍餐枱，掛有字畫同唐卡做裝飾。四周既人都食一樣嘅菜，細看之下1-4人餐菜單內容一樣，大概只有份量不同。

上菜速度好快，基本上一坐低就上菜，先飲一碗老火湯，好夠火候。幾樣齋菜，各有千秋，西檸鮮竹入味新鮮，仲有少少擺盤。

西檸鮮竹片

腰果同菇令甜豆味道更豐富。

碧綠如意炒

香菇大大粒，香菇味濃，口感軟滑，好食既！

花菇扒時蔬

春卷鮮炸即上，香脆可口。

脆皮春卷

二人份量每人飲到三碗，只用齋菜煲，老火湯都唔會肥膩。

2

古法老火湯

仲有白飯任裝，不過只食餸飲湯都好夠飽。

唐卡、字畫令餐廳增添愜意。