📍 香江花月 - 荃灣
喂喂喂，而家可以食到原價$498只需加一蚊就已經可以食到琥珀玲瓏山海圈+ 火鍋正價7折！
估唔到火鍋配料都有七折，$800真係食到兩個人飽，就好似食咗四個人份量嘅嘢一樣！
琥珀玲瓏山海圈，安格斯肥牛、牛舌、牛柏葉等不同牛嘅部位），仲有豬肉同海蝦🦐
啲靚牛肉淥一淥，10秒就變色，食得，肉質鮮嫩重牛味🐮
海蝦，肉質結實，大大隻🦐🦐
豚肉片油脂平均🐷
1
火鍋湯底真係好多選擇，有養生湯底，花膠雞湯等等☝️而家追求健康，所以連火鍋湯底都會有健康嘅選擇，但係依一間真係落足本，我哋叫個湯底都已經有半隻例牌嘅雞🐔有雞有豬有牛，全餐都好豐富🩷
✨ 黑赫豬肚無骨雞鍋
淨係隻雞都已經¼隻，慳返嗌雞嘅費用，雞肉極之嫩滑，新鮮到仲好重雞味，啲雞仲要去晒骨，完全啖啖肉，仲鎖住咗雞汁，湯頭亦都好清新，黑蒜好夠味，第一啖飲落去有啲似住家湯，又有雞食，直頭係抵到飛起👍
✨七彩餃子～皮蛋餃、和牛香茜餃、姫松露野菌餃、鹹蛋皇餃、午餐肉粟米餃、自家製水餃、蟹肉黑松露餃🥟
彩虹嘅餃子，絕對係打卡之選，有晒不同嘅味道，全部真材實料，餡料超豐富，食落鮮嫩多汁，各款餃子都有自己嘅味道，呢個就可以食晒店內嘅所有招牌餃子🥟🥟
✨ 台灣牛根丸
好濃郁嘅牛肉味，果然係台灣嘅牛筋丸🐮
✨ 噴汁貢丸
一咬落去即刻爆汁，自己一個都已經可以食晒成份！
✨ 即炸午餐肉
即叫即炸，熱辣辣上枱，勁香脆 ！
✨ 超甜粟米
個名真係冇呃我，食落真係超級甜🌽
✨ 冰凍蜂巢豆腐
凍到結冰，不過烚熟咗之後，內心係軟綿綿，而且好幼滑😍
✨ 出前一丁
打邊爐必定食出前一丁🍜
特色飲品，仲要買二送一
只要係相同價錢嘅都會送返相同價錢嘅飲品
真係抵到爛🥤🥤🥤
✨ 流星夜
以啫喱同埋流星做主角，漸變嘅顏色打卡一流📸
✨黑色瑪莉
有哥姬造型嘅棉花糖，已經加晒分，係狗奴嘅最愛😍飲品以濃郁朱古力為主，唔會甜到漏，朱古力味都好突出👍
✨熱情密碼
柑橘嘅味道，帶點清新，有少少似Cocktail，打邊爐飲番杯都可以去除油膩感🙆🏻♀️
