3
📍好耐都冇食過嫲嫲辣辣，以前喺深水埗最鍾意叫干鍋食，一入到去已經聞到好香麻辣味！
入到去每堂都會叫嫲嫲干鍋，可以自選5餸以上($138起)，今次揀醬香口味田雞、豬頸肉、雞脆骨、炸蓮藕片同五香牛肚。
全部餸都爆香過，最鍾意都係雞脆骨食落脆卜卜送飯最正。
砂鍋系列有泡椒生蠔滑雞($118)同麻辣肥腸爆鮑魚($128)，兩款送上嚟之前都會冚一陣蓋再由店員炒一炒先食，生蠔同鮑魚都係各兩隻，底下嘅肥腸份量好多，三四個人都未必食得晒。
乾蒽蒜片豬仔骨($85)大量蒜片同埋蔥夾住嚟食好重口味，又啱晒唔食得辣嘅朋友。
涼拌麻辣花甲($68)大大碟，比想像中冇咁鹹辣，就咁食都OK!
