影片
更多
2005-08-13
7 浏览
7月初同幾個朋友一齊試下呢間好評如潮既餐館,也試左食家一的推介,我地4個人叫左鐵板魚--好乾,食落只感覺到辣既味道/咖哩雞--呢個我地一至公認好食/薯角--好味,新鮮炸起但又唔油,但侍應生話唔辣,但其實係辣架(裡面薯仔餡撈左辣粉果類調味架)不過佢用佢標準話唔辣咁我無理由話佢騙我架,我學識左唔好咁易相信陌生人囉/咖哩炒雜菜(佢又話唔辣呀)--okay味道/3款烤餅--芝士味,蒜茸味,原味,個人覺得蒜茸味最好食,但其實3款都好好味道/仲有試左奶茶--唔鐘意的香料味,但好滑囉/啤酒--我無飲但朋友話唔好飲,本來仲想叫的其他食物試下,但見到好多人等位,而我地又覺得都夠飽所以就埋單走人.另外見的食家話jame 好nice,我地就唔覺喇,佢全程對我們木口木面,又無主動介紹食物,而環境因為燈光好暗欣賞唔到有咩特式,檯面鋪左層膠布我諗係方便打埋但覺得'臘痴痴"咯.個人認為一試無妨但encore機會唔大喇,若以地方+食物水準來計就幾抵食囉
张贴