【2024 年 3 月】
今次在西貢冇食海鮮 ...
揀了間印尼餐廳食晚飯
餐廳樓高兩層，也有戶外座位，可以帶埋毛孩用餐
我哋入座嘅地下座位不多，但樓底極高，感覺很舒服
我哋點了兩份店家招牌菜 ...
儍媽。白鬚印尼牛丸粉 HK$74
牛骨湯底清澈，油份不多，味道濃郁，跟米粉很夾
印尼牛丸是店家自家製，加入了雞肉，冇豬肉成份
跟平時食嘅牛丸好不同，口感較軟腍，冇咁彈牙
仲有少雲吞、豆卜、炸蒜、香蔥等配料，非常豐富
儍爸。白鬚牛骨湯飯 HK$118
每日限量供應，幾乎每枱必點
滿滿的一大碗堆成山嘅牛骨湯，賣相很吸引
裡面除了有大大塊牛骨
仲有煮到軟腍入味嘅牛腩和白蘿蔔
點少少店家秘製辣椒油更滋味
牛骨湯清甜不油膩，牛味濃郁
拌入白飯一起食，開胃大開
無添加味精，飲完整碗湯也不會口渴缺水
平日晚飯時間
可以優惠價加配自選是日小食一份和半價加配飲品
。泰式魚餅 3 件 +HK$12
。紫菜雞卷 3 件 +HK$12
。青檸梳打 +HK$17.5
** 以上分享是以我的口味、體質和情況作出分享及感受，一試 / 合用與否請自行決定
