馬哥孛羅咖啡廳

Item: 馬哥孛羅咖啡廳
Rating: 3
Author: 蝗蟲同學

Cafe Marco

392 食记

味道

环境

服务

卫生

抵食

39582

尖沙咀

$401-800

西式自助餐酒店餐厅

复制到剪贴板

148

蝗蟲同學

等级4

25-7-2010愈來愈唔鍾意食 buffet, 屋企人則幾鍾意, 所以耐唔耐都會出一篇又長又悶的 buffet 食評的. 而點解今次會嚟到 Marco Polo, 除咗因為多年前食過印象不錯 (http://www.openrice.com/restaurant/commentdetail.htm?commentid=122575), 原來阿媽又來多個會藉 , 仲手持 buy 2 get 2 free 的會籍 coupon. 主力都係以海鮮冷盤開頭, 跟住刺身壽司, 湯, 沙律, 各款 antipasti 及少量熱食, 埋尾就食少少甜品, 水果及熱咖啡, 不過整體印象認真麻麻, 睇嚟我都係唔適合食 buffet 的了 :-坐低無耐, 店方 serve 了一客「有機麵包」及每人一碟 seared scallop 配 potato mash, 原來有嘢送麵包熱熱的, 麵粉味強勁 (呢 d 可否要「包香」? 哈哈), 外鬆脆內軟熟, 正! 帶子就煎得有點過火, 不過 potato mash 夠軟滑, 薯味香牛油味亦香, 還不錯.海鮮冷盤有生蠔, 翡翠螺, 小龍蝦, 蟹腳,

25-7-2010

愈來愈唔鍾意食 buffet, 屋企人則幾鍾意, 所以耐唔耐都會出一篇又長又悶的 buffet 食評的.

而點解今次會嚟到 Marco Polo, 除咗因為多年前食過印象不錯 (http://www.openrice.com/restaurant/commentdetail.htm?commentid=122575), 原來阿媽又來多個會藉

, 仲手持 buy 2 get 2 free 的會籍 coupon.

主力都係以海鮮冷盤開頭, 跟住刺身壽司, 湯, 沙律, 各款 antipasti 及少量熱食, 埋尾就食少少甜品, 水果及熱咖啡, 不過整體印象認真麻麻, 睇嚟我都係唔適合食 buffet 的了

:-

坐低無耐, 店方 serve 了一客「有機麵包」及每人一碟 seared scallop 配 potato mash, 原來有嘢送

麵包熱熱的, 麵粉味強勁 (呢 d 可否要「包香」? 哈哈), 外鬆脆內軟熟, 正!

帶子就煎得有點過火, 不過 potato mash 夠軟滑, 薯味香牛油味亦香, 還不錯.

海鮮冷盤有生蠔, 翡翠螺, 小龍蝦, 蟹腳, 青口及蝦, 每樣都試了少少

最好食係翡翠螺及小龍蝦, 前者唔會好韌, 食落亦鮮甜, 後者雖然無乜肉食, 但頭內的蝦膏實在軟滑甘香, 幾喜歡

蟹腳幾好肉地, 清甜又有海水味, 都不錯; 最難食就一定係生蠔, 幾腥仲帶點苦, 諗起都打冷震

刺身只試了赤身及(魚立)魚, 兩者都十分厚切, 成舊磚一樣, 真係

赤身無乜味又太硬身 (!!), (魚立)魚就又腥又有渣; 壽司就試了象拔蚌, 不過壽司飯醋味太酸, 象拔蚌就奇腥, 捽了牙膏 wasabi 及蘸了豉油都於事無補.

亦試了少少 soba, 粉紅色應該係梅子吧? 食落麵條腍腍的, 配上冰凍的淡味麵汁, 算吧.

對中湯 (是日係唔知乜鬼煲薏米) 興趣不大, 只試了 label 為「法式洋蔥湯」的西湯, 但其實係 minestrone 嚟0架喎

勁多的雜菜 (西芹, 紅蘿蔔, 蕃茄, 意大利瓜 etc) 夠軟腍, 湯底亦有新鮮蕃茄的清甜味, 算係咁吧.

Salad 只拎了 baby spinach + 芝士嗰隻, 再自行加 vinaigrette 及 anchovies 吊吊味, 不過 baby spinach 都浸得幾多油, 加埋硬身濃味的芝士, 估唔到食沙律都會膩.

Antipasti 就只拎了少量 smoked salmon 配 onions, 及 brie cheese 配 cracker, 芝士重奶香, 配 cracker 一脆一軟, 幾好食.

熱食選擇不少 (連即煮 laksa counter 都有), 其中以星洲炒蟹最特別, 醬汁微辣, 不過味道極甜

, 唔太喜歡;「泰式雞翼」皮夠薄脆, 肉亦夠嫩, 不過好鬼辣

茄汁燴海鮮及香草羊架就食咗都唔記得.

當然亦試了 roast beef 啦: 吩咐了「切薄 d」, end up 亦做到了, 中間部分呈粉紅色, 但食落有點韌, 邊位就直程超硬; 不過肉味幾香, 配上「燒汁」, 還可以的.

甜品只試了 bread pudding, Napoleon, tangerine tartlet 及 chocolate mousse, 不過 bread pudding 太嚡口, vanilla sauce 又唔夠香甜, Napoleon 的所謂酥皮就又實又「濕氣重」, 拮唔入的, 結果無食

Tangerine tart 底牛油味香濃, 可惜唔鬆化啦; chocolate mousse 夠滑, 朱古力味甘濃又唔太甜, 配上面頭脆卜卜朱古力餅碎, 算較好的一款.

仲有最後的咖啡, 聞落幾香, 但啡底太稀薄了, 齋飲苦到阿媽都唔認得, 連落糖落奶都掩不了澀味, 真係

食物一般, 環境就因為星期日太多小朋友跑來跑去, 喺 buffet tables 攞嘢食都咪話唔一步一驚心.

折完又折後每人埋單只需約 $150, 不過食物麻麻哋, 正價的話呢篇食評應該俾喊面