影片
更多
2025-07-05
133 浏览
我知道自己有排都唔可以放低所有去轉日本所以！襯住銅鑼灣居酒屋磯野水產半價食盡十道菜拿拿臨book檯 比我有個半鐘置身於日本既感覺都開心 ：）♛ 御二人前 $788（半價後） ❙ 前菜 ❙ $28好特別！雪凍左既沙葛條、青瓜條、紅蘿蔔條點秘製魚醬，鹹鹹地幾好食！ ❙ 櫻花蝦豆腐沙律 ❙ 沙律菜新鮮爽脆，豆腐又夠晒滑，呢個前菜好稱職！ ❙ 刺身三點 ❙ 厚切三文魚係賣飛佛；赤蝦大大隻好鮮甜；紋甲魷魚一啲唔韌！赤蝦頭師傅建議熬湯成麵豉湯，鹹香得黎亦不失蝦頭既鮮甜！ ❙ 魴彿魚刺身 ❙ 師傅好刀功，第一次食魴彿魚刺身唔腥之餘仲幾鮮，肉質偏向爽身！魚骨無浪費，師傅加工變鮮魚湯，營養豐富又令皮膚靚靚！ ❙ 鮑魚浜燒 ❙ +$50有埋鮑魚，職員燒到剛好，彈牙有鮑味，點埋柚子胡椒汁份外有種清新感！ ❙ 松葉蟹肉茶碗蒸 ❙ ❙ 蟹黃茶碗蒸 ❙ 熱焫焫茶碗蒸好岩我，松葉蟹肉果碗偏清淡，隱約會帶啲鮮甜味；相反+$30蟹黃茶碗蒸就濃味得多，份量非常慷慨，油甘味香！ ❙ 黑松露鐵板帆立貝 ❙ 好好食！除左帆立貝仲有唔少雜菜，黑松露獨特香氣，令
所以！
襯住銅鑼灣居酒屋磯野水產半價食盡十道菜
拿拿臨book檯
比我有個半鐘置身於日本既感覺都開心 ：）
♛ 御二人前 $788（半價後）
❙ 前菜 ❙ $28
好特別！雪凍左既沙葛條、青瓜條、紅蘿蔔條點秘製魚醬，鹹鹹地幾好食！
❙ 櫻花蝦豆腐沙律 ❙
沙律菜新鮮爽脆，豆腐又夠晒滑，呢個前菜好稱職！
❙ 刺身三點 ❙
厚切三文魚係賣飛佛；赤蝦大大隻好鮮甜；紋甲魷魚一啲唔韌！
赤蝦頭師傅建議熬湯成麵豉湯，鹹香得黎亦不失蝦頭既鮮甜！
❙ 魴彿魚刺身 ❙
師傅好刀功，第一次食魴彿魚刺身唔腥之餘仲幾鮮，肉質偏向爽身！
魚骨無浪費，師傅加工變鮮魚湯，營養豐富又令皮膚靚靚！
❙ 鮑魚浜燒 ❙
+$50有埋鮑魚，職員燒到剛好，彈牙有鮑味，點埋柚子胡椒汁份外有種清新感！
❙ 松葉蟹肉茶碗蒸 ❙
❙ 蟹黃茶碗蒸 ❙
熱焫焫茶碗蒸好岩我，松葉蟹肉果碗偏清淡，隱約會帶啲鮮甜味；相反+$30蟹黃茶碗蒸就濃味得多，份量非常慷慨，油甘味香！
❙ 黑松露鐵板帆立貝 ❙
好好食！除左帆立貝仲有唔少雜菜，黑松露獨特香氣，令平平無奇既餸菜提升左唔少！
❙ 野菜天婦羅 ❙
係清甜既番薯及軟綿既南瓜，都係我愛既澱粉質，炸漿薄身又輕盈，熱焫焫唔油膩，讚！
❙ A4和牛炒飯 ❙
炒飯堅係有鑊氣，香氣撲鼻無誤，粒粒分別好味道，和牛粒份量多，仲有我地大愛既炸蒜片，食唔停口喎！
❙ 甜品 ❙
迷你豆沙大福，皮薄Q彈，甜度適中，作為今餐既結尾好滿足！
张贴
