粵茶館

营业中

休息中

星期五落雨天，成班同事都係想出街食午飯，唔去得遠，又想坐埋一齊，又想唔好太嘈，唔想太趕。雖然呢間茶樓價位唔算低，都照去試試啦。起初都驚服務差，上到去客仔唔算多，可能服務員唔太忙，服務周到，驚你仲有時間問我哋夠唔夠食，執頭執尾快手，乾淨利落，坦白講香港地，呢個服務質素係標準以上。講返嘢食，上菜都算快，可能客人不多。有返咁嘅價錢都提供到服務質素。蝦餃燒賣，原隻蝦大大隻、加入少少fusion，外皮淺綠色。以為嚟錯菜肉包，原來係叉燒包，外殼鬆軟唔濕，餡料都足夠；燒賣外型幾討好無over。同事們最like 炸物，鬆脆冇硬，好食嘅。整體食物好新鮮，大贊。