英記油渣麵

呢一日去到大角咀嗰邊做嘢，
原本一心諗住嚟呢度食油渣麵，
但係做完嘢都有啲晏喇，
好說搏一搏嘅心態去到舖頭啦，
點知見仲未閂門就即刻入去。
坐低嗌完碗油渣麵，
先至聽到姨姨話俾下一個入嚟嘅人聽已經賣曬啲油渣麵，
即刻覺得自己好有運呀。

講返啲油渣麵，
我唔係食慣有冬菇等等配料嗰款，
但係我都唔算抗拒嘅。

始終呢一間油渣麵嘅豬肉香氣，
比起我平時食開嗰間係吸引得多，
一開始食就停唔到口，
湯底又夠甜。
麵條又唔會太硬或者太腍。
真係非常好食呀。