十二味 (黃大仙中心南館)

营业中

休息中

新年去黃大仙廟拜神，發現呢度十二味開咗一間新分店，都有一段時間冇食過，午市套餐有$48元起，仍然係咁抵食，所以到要排隊等10至15分鐘。呢度剛剛裝修，座位之間好闊落，疫情之下分間甲板設計精美，好有氣氛。呢度嘅酸菜魚不嬲都好有水準，午市套餐都係$68，份量亦算多，魚嘅質素保持，整體滑溜，肉質有少少彈性，亦唔會太咸。川式口水雞，睇落去好似好辣，因為我哋揀咗小辣，實際都係可以接受，雞肉味道濃郁，結實但亦滑身，唔會太鞋口。牛肉麻辣香鍋，今次係第一次食呢個菜式，牛肉質素唔錯，夠淋夠滑，薯仔薄片口感唔似薯仔。熱情果梳打跟餐加$8元，估唔到係巨型嘅杯裝，一個人差啲飲唔晒。另外有少少驚喜嘅係白飯，米氣味清香，粒粒分明，好似我咁鍾意食飯嘅人一碗未必夠數。