綠茶餐廳 (奧海城二期)

营业中

休息中

早幾晚同屋企人食完晚飯，新開張相當蝦碌，不過都值得原諒。繼續幾日再同啲同事嚟食晏試吓其他菜式反而今次食嘅出咗一半都比較滿意。首先個蝦湯泡飽真係做得幾有質素。除咗湯裏面有飯之外另外有碗脆米增加咗唔同嘅口感。個鮑魚冷盤都幾爽口個汁都尚算醒胃不過係鮑魚片薄咗少少。反而另外個蓮藕冷盤就幾鍾意佢個味個汁好似有少少似士多啤梨汁，但又有少少似係紅糖。另外個餡餅，裏便夠肥豬肉炸到好似泰式豬皮咁食落去個口感有少少似片皮鴨，係幾特別嘅。餐午餐最欣賞係隻茶醺雞，隻雞多汁味道亦都醃得好好，仲有一陣茶香味。後尾另外再加咗個冰菜同埋芒果鵝肝塔塔，個芒果可能唔係好合時比較酸，而鵝肝嘅味道亦唔算重，所以完全蓋過咗鵝肝嘅味。今餐午餐比起早幾日嘅晚餐用膳感覺好咗好多，之後有機會再同屋企人要試番醺雞同泡飯。