影片
更多
2025-01-01
5575 浏览
第一次去怡紅院係試佢地晚市，當時都已經覺得佢地啲火鍋料同湯底都好味，而且環境又靚，餐牌、餐具嗰啲又好得意，cocktail 又好特別，只係有啲貴啫 （我覺得⋯⋯）但係午市又幾抵食，$130 一人一鍋，可以揀一份肉，四款配料（每款兩件），一款麵食，仲有一杯嘢飲，如果你冇揀到要加錢嘅配料，真係可以$130落樓！上個月去過兩次，試過佢哋個沙嗲湯底同埋麻辣湯底。沙嗲湯底好香濃但唔鹹，襯出前一丁一流！ 麻辣湯底唔算辣，但係好香，襯薯粉好出色 ！火鍋配料試過佢哋嘅醬爆咖喱炸蛋，外面係炸魚蛋裏面包心係咖喱，有驚喜！韭菜餃都好食，但係可能好快賣晒，有次因為叫唔到韭菜餃，就加錢叫咗個鳳城水餃，入面有好大粒蝦，好食呀！ 厚切午餐肉一啲都唔Hea，真係厚切，抵叫！呢排天氣凍凍地，會再返兜～～
但係午市又幾抵食，$130 一人一鍋，可以揀一份肉，四款配料（每款兩件），一款麵食，仲有一杯嘢飲，如果你冇揀到要加錢嘅配料，真係可以$130落樓！
上個月去過兩次，試過佢哋個沙嗲湯底同埋麻辣湯底。沙嗲湯底好香濃但唔鹹，襯出前一丁一流！ 麻辣湯底唔算辣，但係好香，襯薯粉好出色 ！火鍋配料試過佢哋嘅醬爆咖喱炸蛋，外面係炸魚蛋裏面包心係咖喱，有驚喜！韭菜餃都好食，但係可能好快賣晒，有次因為叫唔到韭菜餃，就加錢叫咗個鳳城水餃，入面有好大粒蝦，好食呀！ 厚切午餐肉一啲都唔Hea，真係厚切，抵叫！呢排天氣凍凍地，會再返兜～～
张贴
