劉森記麵家 (桂林街)

营业中

休息中

八點幾去到已經冇曬酸蘿蔔， 鍾意食嘅千祈唔好夜晚去。主菜蝦籽牛筋腩撈麵， 居然比啲頭頭尾尾你， 又硬又難食 ，成碟食淨一半。 畀錢嗰陣時我同收銀講你哋好趕住收工咩？比d咁野客人食， 雖然我知唔關收銀事！但真係不吐不快。就好似叫燒味飯食咁樣 ，如果個廚房全部斬啲雞背脊同頭頭尾尾畀你 ， 畀著你都火滾啦！ 劉森記好多人捧場 ，好多遊客慕名而來 ，但水準每況愈下。我明白你哋每日出幾百碗麵好難每一碗都保持水準，但對於個客人黎講就係佢面前果一碗，如果仲係用呢d方法去賺錢就遲早做到個招牌臭曬。